Jorente: Nuk e dimë limitin tonë, por japim jetën në fushë
Një hero nga stoli. Markos Jorente u fut në fushë dhe i dha kualifikimin Atletikos së Madridit duke shënuar një gol shumë të rëndësishëm. Ai thotë se kjo skuadër nuk e di deri ku e ka limitin dhe jep jetën në fushën e lojës.
Mbrojtje - "Nuk e di deri ku e kemi limitin e vuajtjet si skuadër. Jemi thjesht të çmendur. U mbrojtëm të gjithë deri në vdekje. Kur një ekip është bashkë, sigurisht që ndodhin gjëra të mëdha. Jemi të kënaqur, krenarë dhe të lumtur për kualifikimin. Po e luanim këtë ndeshje si të ishte jeta jonë".
Golat - "Të shënosh gol që nuk të shërben për asgjë është mëkat. Por të shënosh gola që të sigurojnë kualifikimin në raundin e ardhshëm është diçka fantastike. Nuk mund ta përshkruaj atë që ndiej në këto momente".
Forcë - "Më uruan të gjithë, jam shumë i kënaqur, të gjithë jemi të kënaqur. Tani kemi shumë punë në La Liga dhe kemi besim për të vazhduar deri në fund të sezonit".