Kombëtarja i grumbullon, Sançez e Vidal do të futen në karantinë
Sulmuesi i Interit, Aleksis Sançez, dhe mesfushori i Barcelonës, Arturo Vidal, janë dy ndër futbollistët e grumbulluar nga ana e kombëtares së Kilit për ndeshjen kualifikuese për Botërorin 2022 në Amerikën e Jugut. Për momentin, ndërsa pritet edhe një vendim nëse edhe sfida të mundshme të përfaqësueseve do të shtyhen në të gjithë botën, duke parë se Sançez dhe Vidal luajnë respektivisht në Itali dhe Spanjë, që janë dy prej vendeve ku është dhënë alarmi më i madh për Koronavirusin, stafi mjekësor i Kombëtares
së Kilit ka lajmëruar se si Sançez, ashtu edhe Vidal apo edhe Medel që luan në Turqi, do të futen menjëherë në karantinë, sapo të zbarkojnë. Kjo është një masë parandaluese për të kuptuar dhe për të analizuar nëse dy lojtarët mund të jenë prekur nga virusi ose jo dhe për të ruajtur shpërndarjen e mundshme të infeksionit. Fakti që Koronavirusi tashmë ka nisur që të shpërndahet edhe në Amerikën e Jugut, masat e marra në lidhje me këtë sëmundje nuk duken se janë të mjaftueshme në çdo vend të botës.