Konfirmimi, Pioli milanist deri në fund të sezonit
Stefano Pioli do të luajë shanset e tij deri në fund të sezonit aktual. Lajmi gjen konfirmime, edhe pse jozyrtare nga klubi i Milanit që ka vendosur t'i japë besim për ndeshjet e mbetura me shpresën që ekipi do të renditet të paktën mes gjashtë vendeve të para. Hipoteza e zëvendësimit të menjëhershëm të Piolit me Ralf Rangnikun nuk është e mundur, sepse gjermani jo vetëm që ka një kontratë në fuqi me grupin "Red Bull", por gjithashtu duket e vështirë të marrë një skuadër që është në përfundim të kampionatit. Për fatin e keq të Piolit, zërat lidhur me pasardhësin do të ndjekin deri në fund të aventurës milaniste, me Gazidhisin që ka dhënë bekimin e tij për respektimin e këtij plani.