Liga vendosi, Union Berlin-Bajern pa tifozë
Një kaos total ishte dita e djeshme në zyrat e ligës gjermane. Në fillim u njoftua se ndeshja e së shtunës midis Union Berlinit dhe Bajernit do të luhej me tifozë. Por vetëm disa orë më pas ky vendim u anulua duke vendosur që sfida të luhet pa praninë e publikut për shkak të Koronavirusit. Në Gjermani rastet po shtohen dita-ditës dhe kjo ka shqetësuar shumë klubet të cilat ndihen më të sigurta pa ta, edhe pse kjo do të ndikojë negativisht si në perfomancën në fushë edhe në ekonomi. Klubi i Bajernit ka bërë një deklaratë zyrtare ku njofton të gjithë tifozët se do të rimbursohen për biletat. Kujtojmë që kampionët e Gjermanisë do të luajnë edhe ndeshjen e kthimit me Çelsin në Champions me dyer të mbyllura. Masa këto të detyrueshme për të parandaluar përhapjen e virusit, çka do të rrezikonte jo vetëm jetët e tifozëve, por edhe të drejtuesve.