Julian Nagelsman: Duam të shkojmë larg
Julian Nagelsman ishte shumë i lumtur pas fitores 3-0 ndaj Totenhemit të martën në mbrëmje, çka i dha mundësi skuadrës gjermane të avancojë në çerekfinale të Champions-it. Ishte hera e parë, që nga themelimi i klubit, që arrihet kaq larg në një kompeticion të tillë. Por tekniku gjerman u shpreh se aventura e skuadrës së tij nuk do të mbarojë këtu. "Jemi shumë të lumtur që mundëm një kundërshtar si Totenhemi. Të mos harrojmë që ata janë nënkampionët e këtij kompeticioni. Por kualifikimi ynë nuk ishte një rastësi. Kundërshtari i radhës? Nuk na intereson, do të vazhdojmë të luajmë ashtu siç kemi bërë deri tani. Duam të shkojmë sa më larg, pse jo, edhe në finale. Skuadra është e vetëdijshme për forcën e saj", tha Julian Nagelsman pas suksesit në Champions ndaj skuadrës angleze.