Me garë të rregullt, vetëm dy... “jashtë”

Kampionati u ndërpre, por me garë të rregullt, nga verdiktet e deritanishme të kampionatit, pothuajse të gjitha skuadrat janë në lojë për diçka. Luftëtari dhe Flamurtari janë në garë vetëm matematikisht, pasi për pikët që kanë, pritet që të jenë ekipet që do të zbresin në Kategorinë e Parë sezonin e ardhshëm. Ndërkohë, Skënderbeu është skuadra e cila për momentin vuan një dënim nga UEFA për mosmarrjen pjesë në kompeticionet evropiane. Dhe në rast renditjeje në një vend që garanton Europën, i lë vendin skuadrës pasardhëse. Ndërkohë, nga Tirana kryesuese, janë deri në vendin e tetë ekipet që synojnë Europën. Jo vetëm kaq, por matematikisht, të gjitha ekipet rrezikojnë të përfundojnë në vend të tetë.