Izolim edhe për Reja & Co në Itali
Trajneri i Kombëtares, Edi Reja, ndihmësit e tij, stafi mjekësor si dhe shumë prej lojtarëve shqiptarë gjenden në zonë karantine në Itali. Prej disa ditësh, shteti përtej Adriatikut ka mbyllur kufijtë për të mos lejuar qarkullimin ndërshtetëror. Kësisoj, që nga trajneri dhe stafi i tij, deri te lojtarët si Etrit Berisha, Thomas Strakosha, Elseid Hysaj, Emanuele Ndoj, Marash Kumbulla, Berat Gjimshiti, Xhakomo Vrioni, Ledian Memushaj e Kastriot Dermaku, mund të ishin pjesë e Kombëtares në ndeshjet e muajit mars, por tanimë do të duhet që të zbatojnë rregullat e vetizolimit në qytetet italiane ku jetojnë. Si për të gjithë, edhe Shqipëria pret vendimin e UEFA-s të martën se çfarë do të ndodhë me datat e kombëtareve në mars.