Maqedonia pezullon futbollin

Federata e Futbollit e Maqedonisë vendosi t’i pezullojë të gjitha aktivitetet futbollistike. Vendimi u mor pas rekomandimeve dhe ndalimeve të fundit nga Ministria e Shëndetësisë për parandalimin e virusit COVID– 19, të cilat përfshijnë ndalime në të gjitha tubimet publike dhe private, pavarësisht nga madhësia dhe numri i pjesëmarrësve, koncerte, teatro, kinema, palestra. Më parë, në përputhje me rekomandimet dhe ndalimet e qeverisë së Maqedonisë për parandalimin e Koronavirusit, Komisioni për Futboll i Rinisë ka vendosur t’i pezullojë të gjitha ndeshjet e kategorive të të rinjve dhe ndeshjet e Ligës së Fëmijëve të FFM-së në dy javët e ardhshme.