Ndërprerja i vjen në ndihmë Trashit

Trajneri Sormani i kishte bërë planet ndaj Skënderbeut të luante pa praninë e Lorenc Trashit. Mbrojtësi mungon që nga 22 shkurti, ku gjatë një përplasje me portierin Hoxha pësoi dëmtime në fytyrë. 27-vjeçari ka nisur fazën e rikuperimit, por edhe për këtë javë ishte planifikuar që të mos i bashkohej ekipit. Trashi konsiderohej mungesë e sigurt për sfidën me Skënderbeun, që sipas kalendarit duhet të luhej nesër. Por ndërprerja ka ardhur si me porosi në kampin e kuq, pasi tani Trashi ka kohën e mjaftueshme për t’u rikuperuar dhe për të mos e humbur takimin me Skënderbeun. Ndërprerja i vlen edhe vetë klubit, që është i rënduar psikologjikisht nga humbjet radhazi.