Kundër rrymës, Tomori s’i ndahet fushës

Të mërkurën, pas vendimit për zhvillimin e ndeshjeve pa tifozë, në radhët e tifozëve beratas pati pezmatim, ndërsa dje, kur u mor vendimi për pezullimin e kampionateve, situata ka ndryshuar disi. Është quajtur logjik vendimi i fundit i FSHF-së, në bashkëpunim me qeverinë. Gjatë kësaj periudhe stafi teknik i Tomorit, me në krye trajnerin Kristaq Mile, ka menduar të vazhdojë punën. Pushim është bërë vetëm dje, ndërsa sot stërvitja do të vazhdojë normalisht, por vetëm me futbollistët beratas, pasi stafi teknik u ka dhënë leje “jabanxhinjve” të largohen. “Jemi skuadra kryesuese e grupit dhe nuk na interesonte kjo ndërprerje, por është e detyrueshme dhe duhet të respektojmë vendimin. Nuk na pengon në përgatitjet tona për fazën finale të kampionatit. Ndërprerja është diktuar nga rrethanat e krijuara, është normale”, ka thënë për gazetën sulmuesi Estref Daullexhiu, i cili është pranë rikuperimit.