Ronaldo i prerë: Juve, nuk kthehem
Sekretari i shëndetit në Madeira: Kristiano dhe familja e tij nuk janë të infektuar
Pas lajmit të ardhur pak para me snatës së të mërkurës mbrëma, mbi pozitivitetin me Koronavirus të mbrojtësit Daniele Rugani, Kristiano Ronaldo, i cili prej 3 ditësh ndodhet në vendlindjen e tij, Madeira, doli në kundërsulm të klubit të tij. Sulmuesi nënvizoi se nuk do të udhëtonte në Torino, edhe pse ai pritej ditë përpara në stërvitje, por bllokimi i linjave ajrore dhe vonesa për të marrë një leje të veçantë për të udhëtuar me avionin e tij e ndaluan që të kthehej nën urdhrat e trajnerit Sarri. Por pasi edhe UEFA vendosi që të shtyjë duelin e të martës me Lionin, mbi të gjitha pas lajmit të Ruganit, vetë Kristiano Ronaldo ka nënvizuar se ka vendosur që të hyjë në karantinë, në shtëpinë e tij në ishullin portugez. “Do t’i pres nga shtëpia zhvillimet e lidhura me emergjencën sanitare, e cila tashmë do të përfshijë edhe skuadrën time”, ishte mesazhi i prerë i 35vjeçarit, që siç informohet nga organet kompetente luzitane, duket se nuk ka shfaqur asnjë formë të virusit. Fatmirësisht për Kristiano Ronaldon, i cili kishte udhëtuar për t’i qëndruar afër të ëmës, e cila sapo kishte lënë spitalin, duket se infektimi i Daniele Ruganit nuk ka përfshirë për momentin sulmuesin, por as edhe një prej familjarëve të tij, ndonëse për të mos hasur asnjë surprizë të pakëndshme, si e fejuara Xheorxhina, ashtu edhe djali i tij i vogël dhe të
gjithë pjesëtarët e tjerë dhe miqtë e tij në ngushtë, kanë vendosur që të ngujohen dhe të qëndrojnë për disa ditë në izolim. Gjithsesi, për të qartësuar dhe qetësuar edhe më shumë situatën
rreth futbollistit të vitit në Itali, ai që ka dhënë një mesazh zyrtar ka qenë edhe sekretari i shëndetit për rajonin e Madeiras, Pedro Ramos: “Qoftë atleti Ronaldo, ashtu sikurse
familja e tij nuk kanë shfaqur simptoma. Kristiano dhe kushdo e shoqëronte është kontrolluar në hyrje, në aeroport janë kontrolluar dhe gjithçka është nën kontroll”.