Anjeli dhe 121 punonjës të klubit izolohen
Pas lajmit mbi pozitivitetin e Daniele Ruganit, te Juventusi kanë vendosur që të marrin masa drastike, duke parë edhe “kërdinë” që po bën COVID-19 në Itali. Pas mbrojtësit, me urdhër të prerë të klubit për të ndjekur masat e dhëna nga Qendra e Shëndetit Publik në Itali, nga dita e djeshme në karantinë janë futur si presidenti Andrea Anjeli, ashtu edhe 121 punonjës të tjerë të skuadrës bardhezi. Lajmërimi ka ardhur nga vetë klubi kampion Italie: “Si rrjedhojë e lajmit të djeshëm, lidhur me pozitivitetin e futbollistit Daniele Rugani, Juventusi ka urdhëruar që 121 persona, mes të cilëve futbollistë, stafi teknik, drejtues, shoqërues të skuadrës dhe punonjës të thjeshtë të Juventusit, do të futen në izolim shtëpiak, për të mbajtur nën vëzhgim situatën, sipas normave të autoriteteve”.