Interi Interi “shmang” “shmang” virusin virusin
Kontakte të vazhdueshme me mjekët, por asnjë tampon pa simptoma
Ka nisur nga mbrëmja e së mërkurës karantina në ambientet e Interit. I gjithë grupit zikaltër, me futbollistët, por edhe stafin teknik, drejtuesit dhe nëpunësit, janë izoluar në banesat e tyre: nuk është zgjedhur një pikëtakimi e përbashkët, megjithatë thelbi nuk ndryshon shumë. “FC Internazionale Milano bën të ditur se pas komunikatës së Juventus FC lidhur me pozitivitetin e ‘Covid-19’, do të pezullojë çdo aktivitet sportiv deri në azhurnimeve të reja”, është lexuar në njoftimin zyrtar.
ASNJË SIMPTOMË – Karantina do të zgjasë 14 ditë nisur nga mbrëmja e sfidës mes Juventusit dhe Interit, pra deri më 22 mars. Në të kundërt, nga sa u filtrua në një moment të parë, askush nuk do i nënshtrohet tamponit për të verifikuar pozitivitetin e “Covid-19”. Nuk e parashikon protokolli, edhe pse për momentin asnjë nga lojtarët nuk ka paraqitur simptoma. Do të ndryshonte situata, gjithmonë duke mos e uruar, në rast se gjatë ditëve të ardhshme dikush do të paraqiste probleme. Ndërkohë, klubi zikaltër qëndron gjithmonë vigjilent mbi situatën: sipas raportimit të mediave italiane, klubi ka vendosur t’i besojë konsulencës së vazhdueshme me profesor Masimo Galin të spitalit “Luigi Sacco” të Milanos. Për më tepër mbeten në kontakt të vazhdueshëm me Piero Volpin, mjekun social.
ME GETAFEN - E nëse
UEFA kishte hipotekuar një ndeshje të vetme me Getafen për të vendosur fatin e sfidës së 1/8-ave të Ligës së Europës, tani do të jetë e detyruar të mendojë diçka tjetër për të vazhduar kompeticionin e zikaltërve dhe spanjollëve. Kur do të luhet? Një opsion
është zhvillimi i ndeshjeve të dielën, ose vajtja për të enjten 19 dhe kthimi më 22. Vështirë, sepse në Itali dekreti i inaktivitetit është i vlefshëm deri më 3 prill dhe në Spanjë deri më 25 mars. Të martën UEFA do të mblidhet për të vendosur.