Mateus: Dortmundi bëri shumë pak për kualifikimin
Ish-kapiteni i Bajernit dhe i kombëtares së Gjermanisë, Lotar Mateus, u shpreh për "Sky" se Dortmundi bëri shumë pak për të kaluar në fazën tjetër të Champions-it. "2 raste në 90 minuta janë shumë pak për një skuadër që kërkon të shkojë në çerekfinale. Për 60-70 minuta verdhezinjtë qëndruan shumë prapa në fushën e tyre duke i lejuar kundërshtarit të marrë kontrollin e lojës. Favre nuk arriti të gjente një mënyrë për të depërtuar në zonën e Parisit duke mbetur pa alternativa. Mendoj se ky eliminim ishte i merituar për ta. Nëse ke fituar ndeshjen e parë 2-1, ke dy mundësi, të mbrosh mirë ose të shënon gol duke vrarë përfundimisht ndeshjen", tha Mateus.