Rumenige: Është koha të marrim përgjegjësitë tona

Karl Hainc Rumenige ka folur për gjendjen ku ndodhet futbolli gjerman dhe masat që skuadrat duhet të marrin për të parandaluar përhapjen e virusit. "Të gjithë aktorët e sportit duhet të marrin masa për të mos lejuar që kjo situatë të dalë jashtë kontrollit. Jemi angazhuar maksimalisht për këtë gjë. Shëndeti në radhë të parë", tha Rumenige që u prononcua edhe për ndeshjen e Champions-it ndaj Çelsit. "Jemi në kontakt të vazhdueshëm me UEFA-n dhe nëse do të ketë zhvillime të reja do t'i bëjmë publike. Vendimi do të merret të martën e ardhshme, për momentin do të luhet, por situata mund të ndryshojë shumë shpejt" sqaroi Karl Hainc Rumenige opinionin publik.