“Covid-19” prek Lestërin, tre lojtarë në karantinë
"Dorëzohet" edhe Anglia, kryeministri: Mund ta pezullojmë sportin
Tre futbollistë të Lestërit me simpto ma të Koronavirusit janë izoluar dhe i janë nënshtruar testit: lajmin e bëri me dije vetë trajneri i "dhelprave" Brendën Roxhers, në konferencën për shtyp përpara ndeshjes së kësaj fundjave. Komiteti "Kobra" u thërrit pasditen e djeshme nga kryeministri britanik Boris Xhonson për të diskutuar masat për parandalimin e virusit në vend (deri tani janë 484 persona të prekur), mes të cilave edhe masat që pritet të merren për sportin. Rezultatet e testit priten në orët e ardhshme, por në këtë pikë rezistencat e forta nga bota e futbollit për të mos luajtur me dyer të mbyllura ose edhe pezulluar kampionatin, po bëhen gjithnjë e më të dobëta. Është e vështirë që këtë fundjavë të kemi një javë normale kampionati. Vullneti është për të vazhduar kështu dhe vendimi i qeverisë ka konfirmuar pikërisht këtë, por gjithçka mund të ndryshojë nga ora në orë
KARANTINA - "Klubi ka marrë të gjitha masat e rastit dhe kemi një strukturë të shkëlqyer mjekësore. Situata është nën kontroll. Kemi larguar tre lojtarët nga pjesa tjetër e skuadrës", shtoi tekniku irlandezo-verior, pa dashur të identifikojë emrat e futbollistëve të dyshuar se janë pozitivë. Kështu, Lestëri do të zbresë në fushë normalisht ditën e nesërme në orën
13:30 në shtëpinë e Uotfordit. "Do të ishte një mëkat nëse ndeshja do të shtyhej, por në këtë pikë shëndeti është prioritet. Ndeshje me dyer të mbyllura? Loja e futbolli kanë dy protagonistë të mëdhenj, futbollistët dhe tifozët. Pa njërin nga këta komponentë,
nuk është më e njëjta gjë", përfundoi Roxhers. Mediat angleze raportojnë edhe për një tjetër klub i cili ka izoluar tre lojtarë me simptomat e Koronavirusit. Premier Liga është i vetmi kampionat kryesor në Europë që vazhdon të mos i mbyllë dyert
e stadiumeve, megjithatë kryeministri Xhonson nuk e përjashtoi pas takimit të djeshëm pezullimin e kampionatit: "Ne po shqyrtojmë mundësinë e pezullimit të eventeve të rëndësishme të publikut siç janë ndeshjet sportive".