Barça-Napoli, dueli i radhës në rrezik

UEFA zyrtarizoi pezullimin e vetëm dy ndeshjeve, JuventusLion dhe Mançester Siti-Real Madrid. Ndërkohë dy takimet e tjera, Bajern-Çelsi dhe Barcelona-Napoli janë ende në pritje. Qeveria e futbollit Europian do të vendosë përfundimisht nëse do të luhet apo jo vetëm ditën e martë. Gjithsesi, në Napoli janë të shqetësuar për faktin se asnjë avion nuk mund të fluturojë nga Italia në 14 ditët e ardhshme, si pasojë e masave të marra nga shteti “axurr” për të parandaluar përhapjen e Koronavirusit. Kujtojmë se Italia është vendi me më shumë raste të infektuarish (pas Kinës). Një mundësi është edhe udhëtimi me rrugë detare apo me autobus, por kjo duhet më parë të marrë miratimin e institucioneve përkatëse në vend që janë të përgjegjshëm për sigurinë.