Virusi prek edhe Amerikën e Jugut, ndalet Argjentina
Argjentina ka vendosur pezullimin e të gjitha sporteve në territorin e saj deri në fund të muajit mars, në kuadër të masave të ndërmarra për të parandaluar përhapjen e mëtejshme të Koronavirusit. Vendimi u mor nga Ministria e shëndetësisë në Argjentinë, ndërkohë ai prek dhe ndeshjen Argjentinë-Ekuador, e vlefshme për Kupën e Botës “Katar 2022”, e cila do të luhej në datën 26 mars. Koronavirusi tashmë ka mbërritur pothuajse në të gjitha vendet e botës, duke shkaktuar panik të madh te qytetarët. Amerika Latine është ndër më pak të prekurat në botë me 140 raste të konfirmuara, ku 19 janë vetëm në Argjentinë. Gjithsesi, autoritetet në vend nuk duan të rrezikojnë dhe për këtë arsye kanë vendosur për masën ekstreme, pezullimin.