Më mirë në Kinë se në Spanjë, Vuhan rikthehet

Njëzet e shtatë nga 50 pjesëtarët e skuadrës së Vuhan janë rikthyer në shtëpi nga Spanja pas një muaji të detyruar në karantinë. Lajmin e ka raportuar e përditshmja iberike “Marca”. Pasi udhëtuan në qytetin andaluzian Sotogrande për të përgatitur fillimin e kampionatit në Kinë (më pas i shtyrë në një datë ende të pacaktuar), askush nga ekipi nuk ishte i prekur përveç trajnerit të portierëve. Në momentin e zbarkimit në Andaluzi gjetën dyert e qendrave stërvitore të mbyllura për shkak të Koronavirusit. Tani virusi është përhapur edhe në Madrid, ndërsa në Azi situata po shkon drejt përmirësimit. Për këtë arsye skuadra kineze do të rikthehet në atdhe.