FUTBOLLI NË IZOLIM, 5 skenarët për kampionatin
Olsi Rama, kunj federatës: Ta luajnë titullin me “Play Station” Tirana, me 9 pikë diferencë nuk përmbyset kurrë Vllaznia kryen testet, rezultojnë të gjithë të pastër
Stopon futbolli edhe në Shqipëri. Koronaviru si kërkon masa të rrepta parandaluese për përhapjen dhe futbolli, për vetë masivitetin që ka, mund të jetë një faktor që ta ndihmojë në përhapjen e virusit që ka prekur edhe vendin tonë. Së fundmi, në Shqipëri rastet janë shtuar me persona të prekur dhe të dyshuar për mbartjen e Koronavirusit. Çdo ditë e më tepër po hartohen dhe vendosen edhe masat drastike për të ndaluar përhapjen e virusit. Federata Shqiptare e Futbollit, me anë të një Komiteti Emergjencash, ka sugjeruar për Komitetin Ekzekutiv që të ndalojë të gjitha aktivitetet futbollistike deri në një moment të dytë. Dje, në mesditë, pas situatës së përshkallëzuar të masave që ka vendosur qeveria shqiptare dhe autoritetet përkatëse, edhe institucioni i futbollit në vend i është përgjigjur me ndalimin e kampionatit dhe çdo aktiviteti futbollistik. FSHF, në faqen e saj zyrtare, ka dhënë urdhër që vendimi i miratuar nga Komiteti Ekzekutiv të futet në fuqi menjëherë dhe, për pasojë, që nga dje, çdo skuadër ka marrë urdhër që të ndalojë aktivitetin e përditshëm. Ja njoftimi i Federatës Shqiptare të Futbollit: “Komiteti Ekzekutiv i Federatës së Futbollit ka ndjekur nga afër dhe me prioritet ecurinë e situatës në vendin tonë pas rasteve të shfaqura me COVID19. Nisur nga përshkallëzimi i kësaj situate dhe duke ndier përgjegjësi maksimale për të gjithë personat e përfshirë në jetën futbollistike në vend si dhe pas propozimit të Komitetit të Emergjencave në FSHF, Komiteti Ekzekutiv vendosi pezullimin e të gjitha aktiviteteve futbollistike. Ky vendim
hyn në fuqi menjëherë deri në një komunikim tjetër të Federatës së Futbollit”, ka qenë njoftimi i institucionit të futbollit.
AKTIVITETET NDËRKOMBËTARE
Më tej, FSHF ka bërë me dije edhe lëvizjen e radhës që pritet
të ndërmarrë UEFA. Në njoftim, FSHF, njofton se ditën e martë UEFA do të zhvillojë një videokonferencë me të 55 anëtaret e saj, për të diskutuar dhe vendosur se çfarë do të ndodhë me ndeshjet ndërkombëtare. “Lidhur me të gjitha aktivitetet ndërkombëtare futbollistike,
ku edhe Shqipëria është pjesëmarrëse, ditën e martë në orën 13:00 UEFA do të organizojë një videokonferencë me të 55 federatat anëtare për të marrë vendimin lidhur me ecurinë e të gjitha aktiviteteve futbollistike evropiane”, njoftoi FSHF.