Një italian, këshilla për trajnerët
Në këtë periudhë njëmujore kur çdo aktivitet është pezulluar, FSHF u ka ardhur në ndihmë futbollistëve me përgatitësit atletikë të stafit të Kombëtares, duke publikuar çdo video nga ushtrimet që duhen bërë në kushte shtëpie, si për fëmijët, të rinjtë dhe futbollistët profesionistë. Por, ka menduar për trajnerët edhe drejtuesi i Departamentit të Analizës, Inovacionit dhe Skautizmit, Alariko Rosi. "Stafet duhet ta shfrytëzojnë këtë periudhë për të zhvilluar njohuritë e tyre dhe për t'i vënë ato në dispozicion sapo të fillojë gara sportive". Organizimi i punës, qëllimet afatshkurtra dhe afatgjata, stërvitja, analiza e ndeshjeve tona dhe kundërshtarëve, komunikimi me lojtarët dhe videolojërat janë disa nga pikat ku ai është fokusuar.