Tifozët, shanse minimale për t'u rikthyer në tribuna

Nëse për momentin po diskutohet shumë mbi lirimin e masave mbi popullsinë dhe me rinisjen e shumë aktiviteteve, ajo që duket thuajse e sigurt për këtë sezon futbollistik është mbyllja e stadiumeve. Në cilëndo kohë që të programohet rinisja e kampionatit, është shumë e vështirë për të mos thënë e pamundur që të hapen dyert e stadiumeve për praninë e tifozëve. Thuajse në çdo kampionat në Europë është diskutuar mosprania e tifozëve për këtë edicion, deri në mbylljen e tij në periudhën e verës. Sado që të lehtësohen masat për Koronavirusin, prania e shumë tifozëve në stadium do të ishte e rrezikshme ndaj sportdashësit do të luten vetëm për rinisjen e futbollit për ta ndjekur nga televizioni.