Fazë edhe për arbitrat
Pasojat e pezullimit të futbollit nuk do t'i ndiejnë vetëm lojtarët. Kjo është pak, por e sigurt. Të prekur direkt janë edhe arbitrat. Planet paraprake flasin për rifillimin e kampionatit shqiptar nga qershori, e megjithatë ashtu si ekipet edhe gjyqtarëve do t'u duhet që të kryejnë një fazë të mirëfilltë përgatitore. Sikundër edhe dihet, në kushte normale atyre u duhet që të kryejnë 4 teste fizike në sezon për të treguar që kanë parametrat e duhur për të gjykuar një ndeshje.