Afrikanët, mes "katër rrugëve"

Katër afrikanët e Skënderbeut janë ngujuar në Korçë. Në pamundësi për t'u kthyer në vendlindje, senegalezi Zhak Ndeki, si dhe ganezët Alfred Mensah, Emanuel Esien dhe Randy Dumfur po e kalojnë karantinën në Shqipëri. Natyrisht klubi është munduar t'u qëndrojë sa më afër, por vështirësitë janë të mëdha në këtë moment, veçanërisht në aspektin financiar. Lojtarët janë në banesa me qira, ndërsa mbyllja e kufijve si pasojë e masave të marra nga qeveria, ua ka shuar çdo shpresë për të udhëtuar pranë familjeve.