Rikthimi mund të bëhet me gjysmëfinalet e Kupës

Futbolli italian mund të rikthehet në fushën e lojës më 27 maj, duke nisur me gjysmëfinalet e Kupës së Italisë. Lajmin e bën të ditur "GazzettaDello Sport", e cila raporton se federata italiane po diskuton çdo ide. Koha më e mirë duket fundi i majit, në mënyrë që situata të jetë normalizuar disi, por edhe futbollistët të kenë kryer stërvitje të shumta për të rifituar formën. Ndeshjet që do t'i japin mirëseardhjen futbollit italian do të jenë Juventus-Milan dhe NapoliInter. Më pas do të nisë edhe Seria A dhe do të luhet çdo dy-tri ditë për të përfunduar gjithçka në kohë. Megjithatë, për këtë gjë duhet konfirmimi i qeverisë italiane.