Vetëm në katër vende të botës vazhdon të luhet
Sot në botë vetëm 4 kampionate vijojnë të luajnë normalisht ndeshjet e tyre, në Bjellorusi dhe Nikaragua siç dihet tashmë dhe në Burundi dhe Taxhikistan. Lojtarët e këtyre kampionateve, pavarësisht se po zbresin në fushë, ankohen se frika ka ndryshuar edhe mënyrën e tyre të lojës. "Futbolli ka ndryshuar, sepse nuk shkon në një përplasje 50-50 me të njëjtin intensitet. Frika e asaj që po ndodh sot në botë është gjithnjë prezente. Psikologjikisht nuk je i përqendruar në ndeshje, por mendon gjithnjë se kundërshtari mund të jetë pozitiv me Koronavirus. Ne kujdesemi të mos kemi kontakt me kundërshtarin", tha portieri i Deportivo Las Sabanas në Nikaragua, Karlos Moskuera.