Drejt rifillimit, thërret në bazë lojtarët
Situata e të prekurve nga Koronavirusi në Itali po shkon drejt përmirësimit, teksa numrat e të infektuarve dhe viktimave janë në rënie të ndjeshme. Në këtë situatë, në këtë vend kanë filluar të mendojnë për rinisjen e kampionatit, i cili prej më shumë se një muaji është i pezulluar. Në pritje të zyrtarizimeve të datave të rinisjes së sezonit, klubet e Serie A kanë nisur përgatitjet e tyre dhe kanë njoftuar "riatdhesimet" e lojtarëve të tyre. Pas Interit dhe Juventusit, dje ka qenë radha e Milanit që të njoftojë futbollistët e huaj që të kthehen. Sipas protokollit ata duhet të qëndrojnë dy javë në karantinë, për të qenë më pas të gatshëm për të nisur stërvitjen.