Rindërtimi në mesfushë, Toliso në "pole" më pas Vidal e Kastrovili
Asnjë revolucion, por për të sistemuar mesfushën e Interit për sezonin e ardhshëm do të nevojitet një ndërhyrje e vogël, duke ruajtur gjithmonë bazat aktuale. Dy njerëzit e merkatos zikaltër, Xhuzepe Marota dhe Piero Auzilio do të duhet të angazhohen për të përmirësuar skuadrën dhe për t'i lejuar Antonio Kontes të riorganizojë organikën zikaltër. Por pse jo edhe për të shtuar më shumë protagonistë, për të ndryshuar vazhdimisht modul loje, kur ndeshjet do të shtohen dhe do të bëhen edhe më delikate për t'u luajtur.
BAZA - Konte po punon për të ndërtuar një Inter të aftë që të ndryshojë "lëkurë" sipas kërkesave të sfidës, por përtej aspektit taktik janë gjithmonë interpretuesit që bëjnë diferencën. Skuadra e së nesërmes do të vazhdojë të mbështetet te "regjia" e Marselo Brozoviçit, dinamizmi i Nikolo Barelës, fantazia dhe teknika e Stefano Sensit dhe "shpikjet" e Kristian Eriksenit. Katër titullarë të sigurt, plus Matias Vesino dhe Roberto Galjardini si rezerva, por që me siguri do të zëvendësohen. Në repart mbetet gjithmonë i pari në listë emri i Arturo Vidal, por nuk është profili i vetëm interesant. Pëlqehet shumë Korentin Toliso i Bajernit, kampion bote në fuqi. Ndërsa në Itali profili i pëlqyer mbetet Gaetano Kastrovili i Fiorentinës.