"Don Zhuani" Emeri, me 2 lidhje paralele

Ish-trajneri i Arsenalit, Unai Emeri, kishte një marrëdhënie me pronaren e një bari në Spanjë, në të njëjtën kohë që dilte edhe me një sipërmarrëse angleze, Sasha Rajt. Pak ditë më parë, "The Sun" zbuloi se ish-tekniku i Arsenalit e quajti këtë të fundit një shtrigë të bardhë, duke e fajësuar për formën e dobët të ish-skuadrës së tij, e cila i shkaktoi shkarkimin pasi ajo i dha fund lidhjes së tyre 2-vjeçare. Por tashmë, tabloidi ka arritur të zbulojë edhe se tekniku 48-vjeçar, i shkarkuar nga "Emirates" në nëntor, kishte në të njëjtën kohë edhe një lidhje me sipërmarrësen e një bari në Spanjë, Lusila Vila Segui. Një burim i afërt i saj tregoi: "Lusila ka udhëtuar në të gjithë botën me Unain. Pavarësisht se nuk ishin të martuar, ata jetonin së bashku si burrë dhe grua. Ata kishin një lidhje prej më shumë se 10 vitesh dhe ajo ka qenë partnerja e tij që prej ndarjes së Unait nga gruaja e tij aktuale, Luiza. Ajo është ende me Unain tani. Kjo ka shkaktuar konfuzion të madh, sepse Sasha thotë se ajo ishte e lidhur me të deri muajin e shkuar". Lusila, e cila ka në pronësi barin "MarBlanc" në Majorka, jetoi me Unain në Paris gjatë dy viteve që ai drejtoi PSG-në.