Asprija: Dhuratë 1 milion prezervativë me dron

Legjenda e Njukasëllit, Faustino Asprija, ka premtuar se do të shpërndajë prezervativë falas me dronë gjatë krizës së Koronavirusit. Ish-sulmuesi kolumbian, i cili i hyri biznesit të shëndetit seksual pasi vari këpucët në gozhdë në vitin 2014, hapi një kompani prodhimi kontraceptivësh. Ai njoftoi se kompania e tij do të sigurojë 3.5 milionë kontraceptivë për situatën e pandemisë, 1 milion prej të cilëve do të shpërndahen falas përmes një flote dronësh. Kompania e ish-yllit të Parmës po lulëzon në këto kohë ku shumë kompani të tjera në këtë fushë janë mbyllur për shkak të krizës financiare që ka shkaktuar virusi. Tregu botëror i prezervativëve ka pasur një bum kërkesash tani që njerëzit qëndrojnë të mbyllur në shtëpi.