Hysaj hyn sërish në orbitën Juve, “paguan” De Shiljo
Mbrojtësi s’e bind Sarrin, mund të bashkohet me nxënësin e tij
Shumë e vështirë ësh të aktualisht ta kon siderosh De Shiljon si një emër të madh për te Juventusi, por nëse një trajner i rëndësishëm edhe fitues si Alegri e vlerëson kaq shumë cilësinë e mbrojtësit, atëherë duhet ndalur edhe menduar dy herë. Por kohës së tij në Torino duket se po i vjen fundi: jo rastësisht, gjatë merkatos së janarit bardhezinjtë tentuan ta largonin, duke ia propozuar PSG-së, që kërkonte një zëvendësues për Kurzavën, i cili nuk është se ka shkëlqyer gjatë tri viteve të fundit me kampionët e Francës. Ishte një mënyrë për të dyja klubet për t’u liruar nga dy lojtarë jashtë planeve të tyre, por duke shënuar edhe një fitim.
SHKËMBIM ME HYSAJN – Por kampionët e Italisë po mendojnë të gjejnë një tjetër formulë për ta larguar De Shiljon. “Calciomercato” raportonte një ditë më parë se ideja është ajo e një shkëmbimi me një prej nxënësve të Mauricio Sarrit, fillimisht tek Empoli dhe më pas te Napoli: Elseid Hysaj. Kështu do të realizohej edhe një ëndërr e shkodranit, për të veshur fanellën e një klubi më të madh. Ditën e enjte, menaxheri i mbrojtësit të Kombëtares shqiptare, tha për “Radio Kiss Kiss” se objektivi i klientit të tij është mbyllja e aventurës me klubin napolitan në fund të këtij sezoni. “I kemi komunikuar presidentit De Laurentis
se nuk do ta rinovojmë kontratën”, ishin fjalët e menaxherit Mario Xhufredi. “Vullneti është ai për t’u larguar. Tani është edhe në interesin e Napolit për të kërkuar një zgjidhje për futbollistin, duke qenë se i skadon kontrata në vitin 2021. Megjithatë, në këtë merkato të çuditshme mund të ketë shumë surpriza, kështu që gjithçka mund të ndryshojë rrugës. Por dëshirën tonë ne e bëmë të qartë”. Shkëmbimi mes Napolit dhe Juventusit ndihmohet nga fakti që të dy futbollistët kanë një vlerë kartoni të ngjashme, rreth
12-15 milionë euro. Hysaj mund të zbarkojë në “Kontinasa” pas ose së bashku me Milikun, pavarësisht përgënjeshtrimeve për momentin të kandidatit më të fortë për të trashëguar fanellën e Gonzalo Higuainit në “Juventus Stadium”.