I bllokoi rrugën me Ferrarin e tij, ja si e joshi Ibra bashkëshorten

Historia e sulmuesit kuqezi me Helenën, 11 vite më të madhe

Ju mund të keni menduar se nuk ka njeri që mund ta zbusë Zlatan Ibrahimoviçin, por suedezi ka një pikë të dobët dhe kjo është gruaja e tij. Helena Seger, gruaja e sulmuesit të Milanit, dallon shumë nga bashkëshortet e tjera të futbollistëve. Është e thjeshtë dhe nuk ekspozohet në rrjetet sociale siç bëjnë të tjerat. Ajo është 11 vjet më e madhe se Zlatani, teksa është një sipërmarrëse e suksesshme dhe shumë besojnë se ajo është përgjegjëse për sukseset e mëdha të Ibrahimoviçit, të cilat e bënë atë një nga sportistët më të pasur në botë. Kjo bionde e bukur nuk preferon të ekspozohet në media, nuk publikon foto provokuese nga destinacionet luksoze në rrjetet sociale, nuk mburret me rroba të shtrenjta, këpucë, çanta… Shkon në ndeshjet e bashkëshortit të saj për të brohoritur, por asnjëherë

në qendër të vëmendjes. Kur takoi Ibrahimoviçin, ajo ishte një grua e suksesshme. Helena kishte një karrierë dhe një punë të shkëlqyeshme. “Kur takova Zlatanin, ai ishte 21 vjeç dhe unë 32 vjeç, kisha një karrierë e pasuri dhe nuk kisha nevojë për një lojtar futbolli për të më

ushqyer. Unë isha e pavarur dhe ai nuk ishte as tipi im. Herën e parë që e pashë, ai bllokoi Mercedesin tim me Ferrarin e tij, unë vetëm pashë hundën e tij të madhe dhe një orë ari në dorë. Unë isha në humor të keq dhe i bërtita tij. Mendoj se ai e pëlqeu atë dhe arriti të më ‘mashtronte’”, zbuloi Helena. Ky takim ndryshoi jetën e tyre përgjithmonë. Zlatan fillimisht pati probleme të shoqërohej me një femër 11 vjet më të madhe si Helena, e cila kishte bukuri, zgjuarsi dhe një qëndrim të vendosur, por me kalimin e kohës gjithçka erdhi në vete. Pas katër vitesh lidhjeje, lindi djali i tyre i parë, Maksimilian, dhe dy vjet më vonë ata patën një djalë tjetër, Vinsent. Është e vështirë që të lexosh një koment negativ për partneren e Ibrës, teksa shumica e etiketojnë atë si një grua elegante dhe me shumë inteligjencë.