Tirana e Egbosë kalon Sitin e Guardiolës
Pikë për ndeshje, kampionati ynë ndër më të ekuilibruarit
Tirana është një nga 35 ekipet më të mira në Europë, ndërsa Superiorja është një nga kampionatet më të ekuilibruara. Në analizën që ka bërë Alarico Rossi, del që tirana në ekuilibrin pikë ndaj ndeshjeve lë pas skuadra të mëdha Mançester Siti apo Trabzonsporin. Është shumë pranë Borusias së Dortmundit, ndërsa ka plot skuadra të tjera që mbesin prapa.
- Europa është duke punuar për rifillimin e kampionateve. Klasifikimet janë të ndalura dhe përshkruajnë çfarë ka ndodhur me kampionatet përpara pandemisë. Në disa raste flitet për mesatare pikësh për të përllogaritur meritat sportive të skuadrave, në rast se ndeshjet e luajtura janë të njëjtat dhe kampionati nuk rifillon. Kemi provuar të përllogarisim mesataren e pikëve të kampionateve europiane dhe kanë dalë të dhëna shumë interesante. Mesatarja e pikëve dhe raporti ndërmjet pikëve në klasifikim dhe ndeshjeve të luajtura. Në Shqipëri të gjitha skuadrat kanë luajtur 26 ndeshje përpara ndërprerjes dhe klasifikimi i mesatares së pikëve është vetëm një mënyrë e ndryshme për të llogaritur klasifikimin. Kjo llogaritje mund të aplikohet edhe për skuadrat europiane. Është një mënyrë për të patur një parametër unik që do të ndihmojë për të krahasuar ecurinë e skuadrave në kampionate të ndryshme. Në 35 skuadrat e para të Europës gjejmë vetëm Tiranën, në vendin e 32-të. Më pas kemi shkuar përtej, duke përllogaritur mesataren e pikëve për çdo kampionat në Europë. Dhe këtu vjen surpriza. Kampionati shqiptar është ndër më të ekuilibruarit dhe të paqartë për vendimet finale në të gjithë Europën. Për këtë klasifikim, vlera maksimale që mund të sigurohet është 1,5 minimumi 1. Në këtë rast, të kesh një vlerë të ulët për pikët mesatare të skuadrave në kampionat do të thotë që jo vetëm ka shumë barazime, por edhe që skuadrat e para në klasifikim humbasin më shpesh kundër ekipeve me pozicione të ulëta në klasifikim. Përfundimi i këtij kampionati të ekuilibruar, me një luftë të hapur në të gjitha frontet, mund të jetë një stimul më i madh për të gjithë.
*Drejtor i Departamentit të Analizës, Inovacionit dhe Skautizmit në FSHF
Renditja e skuadrave me raportin ndeshje-pikë