Superiorja, Lushnja i sfidon të gjithë
Fieraku i verdhejeshilëve jep një mesazh të qartë për dy rivalët, Pogradecin e Apoloninë
Skuadra e Lushnjës do të rikthehet sot në stadiumin “Roza Haxhiu”, pas 68 ditësh mungesë. Situata e krijuar në vend nga “COVID-19” i mbylli verdhejeshilët në shtëpi, si të gjitha ekipet e tjera, por sot, në orën 17:00, pritet rikthimi i shumëpritur në fushën stërvitore. Lushnjarët janë të kënaqur që kampionati do të mbyllet në fushë dhe do të përgatiten shumë seriozisht për të luajtur ndeshjet e “play off”-it, që do të përcaktojnë skuadrën e ngjitur direkt në Superiore, si dhe atë që do të marrë pjesë në ndeshjet shtesë.
NAKO - Qendërmbrojtësi fierak i Lushnjës, Rudin Nako, deklaron për “Panorama Sport” se skuadra e tij do
Nako dhe sekretari i klubit lushnjar, Koçi
t’i kushtojë shumë rëndësi përgatitjes për 6 ndeshjet e mbetura të kampionatit, pasi synon të thyejë Pogradecin dhe Apoloninë. “Më në fund, erdhi momenti
i shumëpritur që të zbresim në fushë. Kaluam më shumë se dy muaj të mbyllur, që nuk është pak, me një kohë shumë të reduktuar për liridaljeje. Ishte një situatë shumë e vështirë dhe e jashtëzakonshme për çdo futbollist. Udhëtimin Fier-Lushnjë dhe anasjelltas e kam menduar, duke marrë një leje të posaçme për të lëvizur. Rikthimin
e kampionatit më 14 qershor e shoh pozitivisht, sepse ka kohë për t’u përgatitur, mendoj unë. Sa për gjendjen fizike, jam munduar ta ruaj duke u stërvitur individualisht me ato kushte që kam pasur. Nesër (sot) fillojmë stërvitjen si skuadër dhe kjo është shumë e rëndësishme në këtë moment. Katër javë përgatitje derisa të rifillojmë garën, për mendimin tim, është një periudhë që duhet t’i jepet shumë rëndësi. Do të luajmë ndeshje të drejtpërdrejta me dy rivalët, Pogradecin dhe Apoloninë, si në fushë tonë, ashtu edhe në transfertë. Do të shohim në fushë se kush do ta meritojë të kalojë në Superirore apo të marrë pjesë në ndeshjet shtesë”, është shprehur mbrojtësi 33vjeçar, Rudin Nako.