Kielini: Klop kampion, ajo që Ramos i bëri Salahut ishte mjeshtërore
Xhorxho Kielini i këtyre kohëve ka zëvendësuar duelet në fushë me ato në letër. Në librin e tij "Unë, Xhorxho", i botuar prej disa ditësh, fillimisht kapiteni i Juves hapi debat për zënkat nëdistancë me Felipe Melon dhe Balotelin, pastaj për kritikat për frazat ndaj Vidalit dhe Ramosit. Mbrojtësi i Realit është mes të parëve në listë. "Kur më kërkojnë se cili është mbrojtësi më i fortë në botë, unë përgjigjem Ramos. Atëherë mund tëthemi se Ramos është krejtësisht i ndryshëm nga Kielini: është impulsiv, aspak taktik, është një që pëson 8-10 gola në sezon, unë nëse gaboj 2-3 raste, nuk jetoj më, ai është shumë më teknik, mund të bëjë sulmuesin, pra është krejt e kundërta ime", shkruan lideri i mbrojtjes së kombëtares italiane, që e merr edhe në"mbrojtje" për incidentin në finalen e Champions-it në Kiev, ku u akuzua se i nxori qëllimisht shpatullën Salahut në një dyluftim: "Ajo që i bëri Salahut është një lëvizje mjeshtërore. Ai,
Serxho mjeshtri, ka thënë gjithnjë se dëmtimi i tij ishte i paqëllimshëm, por ishte i ndërgjegjshëm se duke u rrëzuar në atë mënyrë siç ai e bëri, pa ia lëshuar krahun gjatë rënies, në 9 nga 10 herë do të thyesh krahun e kundërshtarit".
Një pjesë të mirë të librit të tij e zënë komentet për trajnerët. Në ekstraktin e parë të teknikëve të huaj janë Pep Guardiola, Zhoze Murinjo dhe Jyrgen Klop: "Nëse Guardiola do kishte drejtuar në Itali, ose një ditë do ta bëjë, atëherë konceptet e tij për mbrojtjen do të bëheshin me siguri më të mira. Diferenca me
kolegët e tij është shumë e qartë. Ka një marsh më shumë". Për Murinjon duartrokitje të papritura: "Karizma e tij ka ndryshuar sportin tonë. Mua më pëlqen kush transmeton emocione, edhe pse si kundërshtar e kam urryer, sportivisht flas, sepse pasi përfundon beteja mbetet vetëm vlerësim. Ai është një personazh i madh". Por nëse flasim për vitin 2020, për Kielinin fiton trajneri i Liverpulit: "Në dy vitet e fundit kampioni i stolit është Jyrgen Klop. Çmendem kur e shoh gjatë nxehmjes së skuadrave teksa vendoset në qendër të fushës dhe vështron kundërshtarët duke buzëqeshur me duart e kryqëzuara për një 15-minutësh të mirë". Nuk mungon as një detaj për trajnerine tij, Mauricio Sarri: "Diçka që askush nuk ka arritur t'ia ndryshojëështë lidhja e tij me cigaren. Mund të shkosh të flasësh me të në zyrë vetëm përpara dushit, sepse kur të dalësh prej andej, do të qelbesh erë".