Miratohet protokolli, Spadafora: Më 28 maj vendosim datën për të nisur
Shtohen kontrollet, nuk do karantinohet më i gjithë ekipi
Komiteti Teknik Shkencor ka miratuar protokollin e Federatës Italiane dhe Ligës së Serisë A për nisjen e stërvitjeve në grup të skuadrave. Protokolli i ri lejon shmangjen e dy javëve karantinë tëdetyrueshme brenda qendrës sportive për të gjithë skuadrën. Për të garantuar që grupi të qëndrojë i shëndetshëm, do të bëhen tamponë të vazhdueshëm për të gjithë futbollistët. "Më 28 maj do të vendoset për datën e rinisjes së kampionatit", deklaroi ministri i Sportit, Vinçenco Spadafora. S'KA DETYRIM GRUMBULLIMI
- Por shtohen kontrollet. Tamponëçdo 3 ditë përpara nisjes së stërvitjeve kolektive: ditën e nisjes dhe një për çdo 4 ditë, teste sierologjike ditën e nisjes dhe pas dy javësh. Në raste pozitiviteti ndaj "COVID-19", futbollisti i infektuar do të izolohet në shtëpi, ndërsa pjesa tjetër e grupit do të duhet të kalojë 14 ditë karantinë brenda qendrës sportive, në grumbullim, por mund të stërvitet. "Miratimi i Komitetit Tekniko-Shkencor për protokollet është një lajm i shkëlqyer për rinisjen e stërvitjeve", shtoi ministri Spadafora për"RaiSport". "Kam thërritur një mbledhje më 28 maj, me presidentin e federatës, Gravina, atë të Ligës, Dal Pino dhe të gjitha organet e tjera, sepse tëenjten e ardhshme do të jemi në gjendje për të vendosur një datë për të rinisur kampionatin. Zgjedhja e Francës për të mbyllur gjithçka do kishte qenë më e lehta. Unë nuk doja të ndodhte kështu, ashtu siç nuk doja atëherë të jepja një datë të sigurt për rinisjen, por tani mundemi dhe është e drejtë ta bëjmë", përfundoi ministri.