Federata ngre zërin: Seria A do të përfundojë

Mbrojtësi: Kjo situatë nuk e shtrembëron kampionatin

Pro ndeshjeve me dyer të mbyllura dhe ndeshjeve të ashtuquajtura “fantazmë” është edhe Mats Humels: në Gjermani kanë gjetur këtë term për rinisjen pa tifozë. E megjithatë, qendërmbrojtësi i Borusias së Dortmundit, i cili kohët e fundit ka përfunduar në shënjestrën e kritikës pasi fryu hundën në fushë, ka gjetur, sipas raportimit të “Kicker”, aspektin pozitiv të situatës.

PIKA ZERO – Humels e ka cilësuar “pika zero” rinisjen e kampionatit: “Nuk mendoj se ekziston një shtrembërim i realitetit e as i kampionatit. Është vetëm një situatë ndryshe, por nuk e shoh si diçka që ndryshon fatet e Bundesligës. Do ta cilësoja pikën zero. Sigurisht fakti që luajmë pa tifozë dhe me stadiumet e boshatisura krijon një atmosferë të veçantë, ndryshe dhe krijon disavantazh edhe për skuadrat që luajnë në shtëpi. Por, e njëjta gjë vlen edhe për momentin kur do të përballemi me kundërshtarët jashtë fushe. Më vjen keq, normalisht, veçanërisht kur mendoj sfida si atë me Bajernin e Mynihut, kur zakonisht kemi një publik prej 80 mijë spektatorësh. Nëse duhet të shoh aspektin pozitiv, megjithatë, kështu mund të komunikoj më mirë me shokët dhe me stolin”, përfundoi Humels.