Ish-presidenti i Gallatasarajit padit për mashtrim Idrizin
Ka kërkuar për llogari të “Air Albania”-s 3.5 mln dollarë
Telashe për Sinan Id rizin. Një skandal i madh ka shpërthyer në Turqi nw lidhje me kompaninë ajrore “Air Albania”, ku partner kryesor është edhe administratori i Flamurtarit. Ai është paditur për mashtrim nga ish-presidenti i Gallatasarajit, Adnan Polat. Ky i fundit ka dorëzuar në Prokurorinë e Stambollit një kallëzim penal për numrin një të klubit të kuqezinjve. Kanë qenë mediat turke që kanë zbardhur gjithçka, ndërsa dje shkruanin se Sinan Idrizi i ka kërkuar para biznesmenit në fjalë për të blerë një kompani nafte në vendin tonë, kontratë e cila nuk është përmbushur kurrë. Në shkrimin e medias turke “Hurriyet” mes të tjerash thuhej: “Adnan Polat, biznesmeni i famshëm, ish-president i Gallatasarajit, është mashtruar në Shqipëri. Adnan Polat, i cili është dhe presidenti i ‘Polat Grup’, ka
Faksimile e lajmit të mediave turke për padinë ndaj Sinan Idrizit
dorëzuar në Prokurorinë e Stambollit një padi penale me pretendimin se kompania e Sinan Idrizit, ‘Air Albania’, i ka kërkuar para me premtimin se do të blinte një kompani nafte, por kontrata nuk është përmbushur”. Raportohet se administratori i Flamurtarit ka pasur një
takim me biznesmenin turk dhe i kishte thënë se një kompani, e quajtur “Global Fluids International”, po bënte një biznes shumë fitimprurës në Shqipëri dhe ai mund ta ndihmonte nëse donte ta blinte kompaninë. Në padi thuhet se Idrizi i kishte thënë biznesmenit se kompania
shitej për 17 milionë dollarë dhe 3.5 milionë dollarë do të ishin si garanci dhe nëse shitja nuk do të bëhej, atëherë kjo garanci do të kthehej. Polat kishte përgatitur një projektmarrëveshje për blerjen e aksioneve në nëntorin e 2016ës. Pas kontratës, Idrizi ka thënë se zyrtarët e kompanisë kishin kërkuar që paratë të kalonin nga ai në cilësinë e të besuarit dhe jo përmes bankës. Kështu, Polat kishte dërguar tarifën e parapagimit në llogarinë e biznesmenit pas kontratës së shitjes që ata kishin nënshkruar. Idrizi i kishte telefonuar turkun për ta informuar se kishte zgjedhje në Shqipëri dhe projekti do të realizohej pas zgjedhjeve. E megjithatë, pas zgjedhjeve të 2017-ës shitja nuk u realizua. Atëherë Adnan Polat kishte kërkuar kthimin e parave dhe anulimin e kontratës së shitjes. Idrizi nuk kishte pranuar, ndaj biznesmeni e ka paditur.