Tërbuni shton radhët dhe pret pagat

Janë shtuar radhët e futbollistëve të Tërbunit në stërvitjen e ditës së mërkurë. Trajneri Edmond Dalipi nuk ka në skuadër aktualisht mesfushorin Osmanollaj që ndodhet në Prizren, Zaganin që ka ardhur nga Anglia dhe po bën karantinën në Tiranë, si dhe Përgjinin që ndodhet në Lezhë dhe portierin Avrami që ndodhet në Korçë. Lajmi i mirë për pukjanët është se kryebashkiaku dhe presidenti i skuadrës, Gjon Gjonaj, ka garantuar dhënien e dy pagave deri në fundjavë. Tashmë lojtarët i janë rikthyer normalitetit të stërvitjes në kryeqytet dhe stafi teknik shpreson që gjithçka të shkojë mbarë e të mos ketë dëmtime.