Egnatia, kthehet edhe Doksani
Rikthehet entuziazmi në kampin rrogozhinas. Egnatia iu rikthye të hënën fushës dhe të pranishëm ishin të gjithë lojtarët. Pas përshëndetjeve mes tyre, para ekipit ka folur administratori Dranga dhe trajneri Bano. Më pas, lojtarët i janë drejtuar fushës, duke u ambientuar fillimisht me tapetin e blertë dhe duke kryer disa ushtrime aerobike. Titullarët kanë pohuar se janë stërvitur rregullisht individualisht. Grupit i është bashkuar edhe Doksani, i cili qëndroi jashtë fushave 6 muaj për shkak dëmtimi. Ai ishte dëmtuar në Shkodër, në ndeshjen e fazës së parë me Veleçikun, që është kundërshtari i radhës i rrogozhinasve në kampionat. Egnatia ka kohë deri më 7 qershor për ta përgatitur këtë ndeshje.