Malta mbyll kampionatin, një shqiptar merr "Këpucën e Artë"
Federata Malteze e Futbollit vendosi të ndalonte përfundimisht futbollin për këtë sezon në Premier Ligën në vend, por akoma nuk është marrë vendimi se çfarë do të ndodhë me fatin e titullit. Skuadra e Florianës, ku luan futbollisti shqiptar Kristian Keqi, udhëheq tabelën e renditjes me 3 pikë nga vendi i dytë që mbahet nga Valeta. Teksa skuadra e tij mund të jetë fituese e kampionatit maltez për këtë sezon, mesfushori me tipare sulmuese Keqi ka arritur një rekord personal, duke qenë se është golashënuesi më i mirë i Premier Ligës malteze me 14 gola. 23-vjeçari, që më parë ka luajtur edhe në Itali, ka një gol më shumë nga sulmuesi italian Mario Fontanela, i cili aktivizohet me skuadrën rivale për titull, Valeta.