Shqiptarët bëjnë testet e dyta për Koronavirusin
Në futbollin kroat është koha për të kryer testet e dyta për Koronavirusin. Ismajli, Uzuni, Çokaj, Mersinaj, Grezda dhe të gjithë shqiptarët e tjerë që janë pjesë e kampionatit elitar në Kroaci, këtë javë do të kryejnë testet sereologjike për të vërtetuar në gjak nëse kanë antitrupat apo jo, për të matur edhe nivelin e imunitetit në trup. Dy javë më parë, në Kroaci, futbollistët shqiptarë dhe të gjithë lojtarët apo anëtarët e klubeve kanë kryer testet me tamponë për të parë nëse janë apo jo të kontaminuar me "COVID-19". Teksa kanë vijuar prej disa ditësh përgatitjet dhe stërvitje të grupuara, federata e futbollit dhe shteti kroat kanë vendosur që për sportistët të kryhet edhe testi sereologjik për të qenë të sigurt që të gjithë janë të shëndetshëm përpara se të rikthehen për të luajtur.