Pa tifozë në stadium, ja si e zgjidh Midtjilandi

ermania nisi sezonin të shtunën e kaluar. Më saktë, e rinisi aty ku e kishte lënë deri kur Koronavirusi paralizoi të gjithë Europën në mesin e muajit mars. Topi ka nisur të rrotullohet përsëri në stadiumet teutonike, por nën rregulla të ashpra higjiene. Tifozët janë “përjashtuar” nga tribunat deri në një urdhër të dytë, por pasioni nuk frenohet dhe në Danimarkë kanë vendosur të mbështesin ekipet e zemrës në një mënyrë shumë origjinale, të paktën për epokën në të cilën jetojmë. Duke u frymëzuar nga “Drive-In” e viteve ‘50-‘60, mbështetësit e Midtjilandit në kampionatin danez kanë zgjedhur të bëjnë tifo nga makinat, ndërkohë që ndeshja kundër Horsensit do të shfaqet në një monitor gjigant. Hapësira është mundësuar pikërisht nga Midtjilandi që do të luajë ndeshjen e parë të rinisjes së sezonit me 1 qershor në “MCH Arena”. Madje, këto testime sportdashësit danezë i kanë provuar gjatë fundjavës së kaluar, me rastin e derbit të Ruhrit, ku skuadrat e Bundesligës, Borusia Dortmund dhe Shalke 04 bënë të lumtur miliona të apasionuar pas futbollit. Tifozët, siç thamë, do të ndjekin 90 minuta nga makinat, teksa vendet e “parkimit” në këtë rast do të mund të rezervohen nga faqen e klubit pa qenë nevoja që të paguhet ndonjë kuotë anëtarësimi. Kjo nismë mund të kopjohet nga klube të tjera të cilat do të mundohen të mbajnë sa më të zjarrtë pasionin mes skuadrës dhe lojtarit të dymbëdhjetë.