Stërvitja në grup, Zidan u jep leksione lojtarëve

Zinedin Zidan është duke u argëtuar pas rikthimit të stërvitjeve në grup të Realit të Madridit. Trajneri francez e ka ndarë ekipin me tri grupe dhe ka qenë prezent gjithmonë duke motivuar lojtarët. Nuk është mjaftuar me kaq, por ka zbritur në fushën e lojës bashkë me futbollistët e tij duke u dhënë leksione. Nuk është hera e parë që Zizu stërvitet bashkë me skuadrën dhe merr pjesë në ushtrimet që bëhen gjatë përgatitjeve. Binte në sy klasi i tij që vazhdon të jetë impresionues dhe pasimet e zgjuara, të cilat shoqëroheshin me të qeshura dhe batuta nga futbollistët. Prej një jave, Reali i Madridit ka nisur stërvitjet pas periudhës së izolimit për shkak të Koronavirusit. Java e parë ishte stërvitje individuale, ndërsa nga e hëna kanë nisur përgatitjet në grupe të vogla.