Në plan “play off” dhe “play out”, koeficient përcaktues në rast ndalese
Le të fillojë operacioni “rinisja”. Jo vetëm i Serisë A, por edhe i B dhe C. Këshilli Federal u ka thënë, ndërkohë, “jo” të gjitha kampionateve amatore, përfshi ato për femra. Në komunikatë thuhet se do të ketë kohë deri më 20 gusht për të kompletuar turnetë dhe sezoni 2019‘20 do të mbyllet më 31 gusht. Po “play off” dhe “play out”? Do të mbeten vetëm si plan B, në rast të një pezullimi të ri. Ka edhe një plan C: “Në rast të një ndërprerjeje përfundimtare, klasifikimi do të përcaktohet duke aplikuar koeficiente objektive rregulluese”. Data e 20 gushtit si kufi maksimal për kampionatet nuk nënkupton edhe një ndryshim marshi. FIGC dhe Liga e Serisë A konfirmojnë se duan të punojnë për të rinisur me ligën superiore të shtunën 13 qershor, gjithmonë nëse qeveria ndryshon normën që ndalon çdo tip eventi, edhe me dyer të mbyllura, deri të dielën 14 qershor.