Lauti me Mesin? Për të mirën e Argjentinës

Trajneri i Argjentinës, Lionel Skaloni, ka këshilluar Lautaro Martinezin që të transferohet te Barcelona dhe mendon se kjo do të jetë diçka e mirë për kombëtaren. “Për momentin, Lautaro është një nga sulmuesit më të mirë në botë dhe të gjitha skuadrat e mëdha duan ta kenë në ekip. Ai është në një ekip të madh dhe të rëndësishëm si Interi, por nëse ka fatin të shkojë te Barcelona, atëherë do të luajë me Mesin dhe kjo do të jetë e mirë për kombëtaren. Lautaro ka të ardhme të ndritur përpara dhe jam i sigurt që do të bëjë një karrierë të shkëlqyer. Nuk dua që të ndërhyj në vendimet e tij, por nëse do të ndryshojë skuadër, shpresoj që të jetë vendimi më i mirë për karrierën e tij”, ka thënë Skaloni.