Probleme me rrogat, te Barcelona janë në ajër
Ekipet e tjera nuk i transferojnë dot prej kërkesave të larta
Ekonomia e Barce lonës po vuan. Kri za që ka shkaktuar Koronavirusi po bëhet e papërballueshme dhe katalanasit do të kenë pasoja në merkato. Shumë lojtarë do të largohen për të sjellë fitime, të cilat do të përdoren për blerje. Mirëpo ata nuk pranojnë. Të largohesh nga Barcelona është një vendim i vështirë nga ana sportive, por këtë herë ka edhe një tjetër arsye të fortë: rrogat e lojtarëve. Te Barcelona paguhen mirë dhe kjo gjë bën që skuadrat e tjera të mos arrijnë dot në këto shifra të larta. Situata po bëhet e papërballueshme dhe në “Camp Nou” mund të marrin masa drastike. Pagat nuk janë problem vetëm në bllokimin e merkatos, por zënë një vend të rëndësishëm në buxhetin e katalanasve. Barcelona ka skuadrën më të shtrenjtë në botë dhe rrogat arrijnë afro 630 milionë euro, një përqindje shumë e lartë e 1 miliard eurove që parashikohen të ardhurat. Por në epokën e “COVID-19” kjo shifër do të rrudhet... Barcelona ka pranuar të ulë pagat për 2 muajt e pandemisë, por
situata është alarmante dhe kërkohet një tjetër sforco nga futbollistët. Diçka që do të jetë shumë e vështirë të ndodhë, edhe për faktin se në vendimin e parë mbetën shumë lojtarë të pakënaqur dhe nuk pranuan lehtësisht që të hiqnin dorë nga paga e tyre.
VËSHTIRËSITË - Katalanasit kanë nevojë për reformim, por kjo nuk është aspak e lehtë. Napoli ka shfaqur interes për Umtitin, por u tërhoq menjëherë kur mësoi se francezi kërkonte 4 milionë euro neto. E njëjta situatë me Kutinjon, i cili paguhet
afro 10 milionë euro dhe me Rakitiçin që merr 8 milionë. Largimi i lojtarëve i lejon Barcelonës hapësirë në buxhetin e pagave, por edhe afrimin e objektivave si Miralem Pjaniçit dhe Lautaro Martinezit. Katalanasit kanë një tjetër problem me lojtarët e rëndësishëm, të cilët
vit pas viti kërkojnë rritje të rrogës. Ter Shtegen ishte i fundit që shkaktoi polemika për rinovimin e kontratës duke kërkuar 18 milionë, sa Grizman, pa harruar Busketsin që përfiton 10 milionë. Lojtari më i paguar në ekip është Lionel Mesi me 40 milionë euro në vit.