Begoviç dhe Reina do të largohen, "Elliott" jep bekimin për Xhixhon

Roli i portierit është delikat për çdo ekip, aq më tepër te Milani. Fondi "Elliott" mësohet të ketë dhënë bekimin për të zgjatur kontratën e Donarumës, të cilit do t'i kënaqet çdo pretendim ekonomik vetëm për të zgjatur kontratën që i skadon në qershor të vitit të ardhshëm. Por, ja që planet e klubit lidhen edhe me dy gardianët e tjerë. Pepe Reina do të rikthehet te kuqezinjtë pas gjysmës së sezonit me Aston Vilën. 38-vjeçari e ka bërë të qartë se do të pranojë të mbetet te "Djalli" vetëm nëse i garantohet minutazh, çka nuk ka gjasa të ndodhë me Xhixhon në organikë. Spanjolli në këto kushte do të kërkojë një zgjidhje alternative që t'i garantojë vazhdimin e karrierës me rol protagonisti. E ardhme për t'u zbuluar edhe për Asmir Begoviçin. Drejtuesit kuqezinj kanë vendosur ta kthejnë te Bornmëthi boshnjakun i cili nuk ka bindur askënd. Edhe Antonio Donaruma do ta largohet, ndaj përveç përforcimeve në merkato, te Milani do të kërkojnë edhe dy zëvendës të denjë të Donarumës, njëri prej të cilëve me gjasë do të jetë Mateo Sonçin, titullari i ekipit të të rinjve dhe pjesëtar i rregullt i stërvitjeve të kuqezinjve nën urdhrat e Piolit, sa herë që ka mundur një nga tre portierët e organikës.