E kërkon Interi, por Barça ia ofron Arturo Vidalin Juventusit
“Zonja” refuzon, Pjaniç sakrifikohet vetëm për Arturin
Arturo Vidal është një nga dëshirat më të mëdha të Antonio Kontes për merkaton e verës në shtëpinë e Interit, por Barcelona ua ka ofruar mesfushorin kilian rivalëve të Juventusit. Katalanasit prej kohësh interesohen për transferimin e Miralem Pjaniçit në “Camp Nou”, një mesfushor që kampionët e Italisë janë gati ta sakrifikojnë në merkaton e verës, edhe pse me shumë dhimbje. Dhe për të mbërritur tek ylli boshnjak, Barcelona ka përfshirë në marrëveshje Vidalin, për të cilin nëse do të ndodhte, do të bëhej fjalë për një rikthim në Torino. Megjithatë, sipas asaj që shkruan “Calciomercato.com”, drejtuesit bardhezinj e kanë refuzuar këtë opsion, pasi duket se nuk e kanë në planet e tyre rikthimin e
Vidalit, një lojtar tashmë në moshën 32-vjeçare. Vidal luajti për katër sezone të suksesshme në Torino 20112015, ku fitoi katër herë titullin kampion dhe mbërriti edhe në finalen e Ligës së Kampioneve. I njëjti burim informacioni konfirmon gjithashtu se Juve e ka përjashtuar mundësinë e përfshirjes në këtë operacion të Ivan Rakitiçit, ndërsa ata do të marrin në konsideratë një shkëmbim me Barcelonën për Pjaniçin vetëm nëse në bisedime përfshihet emri i Artur Melos. Por mesfushori brazilian vazhdon të këmbëngulë se është i lumtur te kampionët e Spanjës.