Gazidhis bën gati dosjet, Barezi në stol me Rangnikun
Maldini dhe rinovimet në fokusin e administratorit
Ton itulli i fundit kampi
mungon prej thua jse një dekade e nëse vazhdon me këtë ritëm, Milani rrezikon të vendosë rekorde të reja negative. Klubi do të kërkojë të nisë revolucionin e radhës, por më parë duhen zgjidhur disa çështje të cilat mund të lehtësojnë disi barrën e “Djalli”-t. Në qendër të manovrës është një njeri i vetëm, Ivan Gazidhis që brenda pak javëve, me vendimet e tij, do të vendosë edhe fatin e sezonit të ardhshëm.
RANGNIK ME 8 VETË -
Rruga e re në aspektin teknik është epiqendra e mendimeve tëIvan Gazidhisit. Stoli i Piolit është histori më vete sepse kontrata i skadon më 30 qershor dhe kohë për të biseduar ka ende, por gjithçka pasi të përfundojë sezoni. Tema për të diskutuar mbetet ajo e Ralf Rangnikut, i cili në pritje të zyrtarizimit të akordit, ka hartuar një plan ambicioz trevjeçar. Ndalesa për shkak të pandemisë ka lënë pezull shumë diskutime, të cilat do të jenë më të qarta pas javës së parë të qershorit. Në javët e fundit ka dalë në skenë edhe emri i Nagelsmanit si trajner kuqezi, por mundësitë më të larta janë për Rangnik me rol të dyfishtë. 61-vjeçari ka rënë dakord edhe për një staf prej 8 vetash (tre italianë) e në këtë rreth do të përfshihen dy eksponentë të Milanit aktual. Bëhet fjalë për Henrik Almshtad (krahu i djathtë i Gazidhisit) dhe Xhefri Monkadën (shefi i talentzbuluesve të Milanit) të cilët në kohët e fundit po monitorojnë merkaton për profile të përshtatshme për lojën e teknikut gjerman.
QËNDRIMI I LEGJENDËS
- Problemi më i madh për Ivan Gazidhisin është Paolo Maldini, i cili duke vendosur Milanin mbi veten, ka shigjetuar disa herë Rangnikun. Me një legjendë në bordin drejtues, klubi do të kishte një mburojë për momentet e vështira, por pas largimeve të Leonardos e Bobanit, nuk është e thënë që Paolo do të qëndrojë. Takimi me Gazidhisin do të ndodhë pas rinisjes së Serisë A me 51-vjeçarin që do të kuptojë se cili është roli që i propozohet për sezonin e ri. Bashkëjetesa me Rangnikun nuk parashikohet e qetë dhe Maldini nuk ka në plan të bëjë rrufepritësin me emrin e tij kumbues. “Historia e familjes sime me Milanin është e gjatë dhe nuk do të mbarojë”, deklaroi para disa ditësh, por Gazidhis do të gabonte rëndë nëse mendon se drejtori do të qëndrojë me çdo kusht, aq më tepër që një tjetër “Maldin” te Milani
është edhe Danieli, djali i ishkapitenit legjendar.
SIMBOLI - Në pak muaj te Milani ka treguar se sa shumë vlen. Jo se kishte dyshime, por Zlatan Ibrahimoviç tashmë është në skuadër për të nderuar kontratën deri në fund të sezonit. Shanse që ai të mbyllë
edhe karrierën te kuqezinjtë ka ende, por largimi i Maldinit do të reduktonte gjithçka në vlera minimale. Suedezi pret një telefonatë nga Ivan Gazidhisi përpara se të bëjë zyrtar mendimin e tij. Nuk është çështje parash. 4 milionë eurot që ofrojnë kuqezinjtë do të mjaftonin nëse në
tryezë i prezantohet edhe një projekt dinjitoz ku emri i tij të ketë vlerë madhore, sepse 38vjeçarit nuk do t’i vinte aspak keq të luante në “San Siro” për një tjetër sezon e më pas të merrte ndonjë rol ambasadori të klubit. Do të duhen qartësi dhe ide madhështore, dy aspekte në
të cilat zor se Zlatani bën kompromise.
XHIXHO, ROMANJOLI & CO - Deri në vitin 2022 kontratat e 13 lojtarëve të Milanit do të skadojnë. Lëmshi në fjalë është i madh e zor t’i gjendet fillimi. Politika e kursimit nuk ka ndryshuar, por vonesat në njohjen e projektit të ri ndërlikojnë gjithçka në aspektin e rinovimeve. Kontrata më delikate është ajo e Xhanluixhi Donarumës që ka një akord deri në qershor të vitit 2021 e zor se do të firmosë çdo dokument që do t’i ofrohet. Mino Raiola nuk flet kurrë për ulje, ndaj vendimtare do të jetë oferta e re që nuk duhet të cen
ojë 6 milionë eurot që portieri arkëton çdo vit. Menaxher dhe diskutim i njëjtë edhe për Alesio Romanjolin, të cilit akordi i skadon pas dy vjetësh. Milani pret rinisjen e sezonit, merkaton dhe shqyrtimin e ofertave të mundshme, që nëse rezultojnë të kënaqshme, mund të bëjë që njëri nga të dy të largohet. Bilia, Reina dhe Bonaventura do të lihen të lirë, ndërsa duhet parë pozicioni i Duartes, Muzakios dhe ndonjë tjetri që nuk cilësohen si thelbësorë. Cilado qoftë rruga, janë të qarta sinjalet e ndryshimit në horizontin kuqezi, e jo vetëm për shkaqe financiare...